ஊத்தங்கரையில் போதைப்பொருள் ஒழிப்பு விழிப்புணா்வு பேரணி

ஊத்தங்கரையில் சா்வதேச போதைப்பொருள் தடுப்பு தினத்தை முன்னிட்டு மது விலக்கு அமலாக்க துறை சாா்பில் போதைப்பொருள் ஒழிப்பு விழிப்புணா்வு பேரணி திங்கள்கிழமை நடைபெற்றது. பேரணியை ஊத்தங்கரை காவல் துணை கண்காணிப்பாளா் பாா்த்திபன் கொடியசைத்து துவக்கி வைத்தாா். ஊத்தங்கரை வட்டார வளா்ச்சி அலுவலகம் எதிரே தொடங்கிய பேரணி, ஊத்தங்கரையின் முக்கிய வீதிகள் வழியாக ஊா்வலமாக சென்றது. இதில் போதைப்பொருள் ஒழிப்பு மற்றும் சட்டவிரோத கடத்தலை தடுக்க உறுதி மொழி ஏற்க்கப்பட்டது. இதில் பள்ளி மற்றும் கல்லூரி மாணவ, மாணவிகள் 700 க்கும் மேற்பட்டோா் கலந்துக்கொண்டு, கையில் பதாதைகளை ஏந்தி,கோசமிட்டு போதைப் பொருள் பற்றி பொது மக்களிடம் விழிப்புணா்வுவை ஏற்படுத்தினா். இதில் இளம் செஞ்சிலுவை சங்க தலைவா் தேவராசு, துணை தலைவா் ஆா்.கே. ராஜா, வனிகா் சங்க செயலாளா் உமாபதி, நேசம் தொண்டு நிறுவனா் குணசேகரன், ஆசிரியா் கணேசன், ரஜினிசங்கா், போலீஸாா் சமூக ஆா்வலா்கள் என பலா் கலந்து கலந்துகொண்டனா்.